കണിയാമ്പറ്റ
ഗ്രാമ പഞ്ചായത്ത്

വയനാട് ജില്ലയില്‍ വൈത്തിരി താലൂക്കില്‍ പനമരം ബ്ളോക്ക് പരിധിയില്‍ വരുന്ന ഗ്രാമപഞ്ചായത്താണ് കണിയാമ്പറ്റ ഗ്രാമപഞ്ചായത്ത്. 37.8ച.കി.മി. വിസ്തീര്‍ണ്ണമുള്ള, 21 വാര്‍ഡുകളോടുകൂടിയ പഞ്ചായത്തിന്‍റെ അതിരുകള്‍ വടക്ക്:പനമരംഗ്രാമപഞ്ചായത്ത്, തെക്ക്: മുട്ടില്‍, കോട്ടത്തറ ഗ്രാമപഞ്ചായത്തുകള്‍, കിഴക്ക് :പൂതാടി, മീനങ്ങാടിഗ്രാമപഞ്ചായത്തുകള്‍, പടിഞ്ഞാറ് : കോട്ടത്തറ, പനമരം ഗ്രാമപഞ്ചായത്തുകള്‍ എന്നിവയാണ്.മുന്‍ കോഴിക്കോട് ജില്ലയിലെ തെക്കേവയനാട് താലൂക്കിലെ പൊങ്ങിനിച്ചിക്കല്ലൂരംശമായ കണിയാമ്പറ്റ വില്ലേജാണ് 1962 ല്‍ കണിയാമ്പറ്റ പഞ്ചായത്തായി രൂപവല്‍ക്കരിക്കപ്പെട്ടത്. 37.8 ചതുരശ്ര കി. മീറ്റര്‍ വിസ്തൃതിയുള്ള ഈ പഞ്ചായത്ത് ചെറുകുന്നുകളും വയലുകളും ഉള്‍പ്പെടുന്ന കാര്‍ഷിക മേഖലയാണ്. ഇന്ന് പഞ്ചായത്തില്‍ ഉള്‍പ്പെടുന്ന ഭാഗങ്ങള്‍ 1923 ന് മുന്‍പ് പുറക്കാടി വില്ലേജിന്‍റെ ഭാഗമായിരുന്നു. റീസെറ്റില്‍മെന്‍റിന്‍റെ ഭാഗമായി പുറക്കാടിയില്‍ നിന്ന് കുറെ ഭാഗങ്ങള്‍ മാറ്റിയെടുത്ത് പൊങ്ങിണ്-ചീക്കല്ലൂര്‍ അംശമാക്കിയത്. അന്ന് കൂടുതല്‍ പ്രസിദ്ധമായിരുന്ന പൊങ്ങിണി ഭഗവതി ക്ഷേത്രം ഉള്‍ക്കൊള്ളുന്ന പ്രദേശമായതിനാല്‍ ആ പ്രദേശത്തിന്‍റെ പേര്‍ അംശത്തിന് വന്നു. അംശത്തെ പൊങ്ങിണ്-ചീക്കല്ലൂര്‍ എന്നും പുല്‍പ്പടി എന്നും രണ്ടു ദേശങ്ങളായി തിരിച്ചിരുന്നു. 1961- ലെ ഒരു ഗവണ്‍മെന്‍റ് ഉത്തരവു പ്രകാരം പൊങ്ങിണ്-ചീക്കല്ലൂരംശം കണിയാമ്പറ്റ വില്ലേജായി. ഇന്നത്തെ കണിയാമ്പറ്റ വില്ലേജും നടവയല്‍ വില്ലേജിന്‍റെ ഒരു ഭാഗവും(ഒന്നും രണ്ടും  വാര്‍ഡുകള്‍)ആണ് കണിയാമ്പറ്റ പഞ്ചായത്തില്‍ ഉല്‍പ്പെടുന്നത്.